وەفدێكی تیمی پارتی لە حكومەتی هەرێمی كوردستان سەردانی لایەنە سیاسییەكان دەكات بەمەبەستی تاوتوێكردنی دۆخی سیاسی و دارایی و هەنگاوەكانی حكومەت. ئەمڕۆش تیمەكە دەست بە سەردانەكانی دەكات.
ئاوێنە: میدیای پارتی بڵاویكردۆتەوە، وەفدهكهی تیمی پارتی له حکومەتی هەرێم بە سەرۆکایەتی پشتیوان سادق و ئەندامییەتی ساسان عەونی، سەفین دزەیی و ئومێد سەباح، دەبێت.
ئەوەشی خستۆتەڕو"له كۆبونهوهكانیاندا لهگهڵ لایەنە سیاسییەکانی هەرێمی کوردستان، دۆخی ناوخۆی هەرێم لە روی سیاسی و دارایی و کار، پرۆژە و هەنگاوەکانی کابینەی نۆیەمی حکومەتی هەرێمی کوردستان، تاوتوێدهكهن."
ئاماژەی بەوەشداوە كە بڕیاره ئەمڕۆ شەممە، وەفدەكەی تیمی پارتی لەحكومەت سهردانی ههریهكه له حزبی شیوعی کوردستان و حزبی زەحمەتکێشانی کوردستان بكهن.
ئەوەش وتراوەكە كە سبەی یەکشەممە وەفدەكەی پارتی لهگهڵ یەکگرتوی ئیسلامی کوردستان كۆدەبنهوه و دواتر سهردانهكانی ئهو وەفدە بۆ لای لایهنه سیاسییهكانی دیكهی ههرێمی كوردستان بهردهوام دهبن.