رافد عهبدولقادر، ئەندام لە هاوپهیمانی دهوڵهتی یاسا، داوا له محهممهد شیاع سوودانی، سەرۆک وەزیرانی نوێی عیراق دەکات دهكات، ههنگاوی بهپهله بنرێت بۆ دەرکردن و ئامادەکردنی پرۆژەیاسای بودجە.
ئاوێنە: یەکشەممە 30ـی 10ـی 2022، رافد عهبدولقادر، ئەندام لە هاوپهیمانی دهوڵهتی یاسا لە لێدوانێکی رۆژنامەوانیدا رایگەیاند، لهسهر سهرۆ كوهزیرانی نوێ پێویسته ههنگاوی شۆڕشگێڕانه بۆ رووبهڕووبوونهوهی ئاستهنگهكان بهاوێژێت و كێشهی دۆخی چهقبهستووی عێراق چاره بكات.
ئەو ئەندامە جهختیشی دهكاتهوه لەوەی، دهبێت سهرۆك وهزیران بهشێوهی خێرا پرۆژهیاسای بودجهی ساڵ رهوانهی پهرلهمان بكات و هێزه سیاسییهكانیش له تێپهڕاندنی بودجهی وڵاتدا هاوكاربن.
ئەمە لە کاتێکدایە، ماوەی دوو رۆژە محەممەد شیاع سودانی دەسەڵاتی سەرۆک وەزیرانی وەرگرتووە و کارنامەی کابینەکەی بۆ لایەنە سیاسییەکان ئاشکراکرد. کارنامەی حکومەتی نوێی عێراق، بە ڕای بەشێكی زۆر لە چاودێران و هەریەک لە ئەمریکا و بەریتانیا و ئەڵمانیا، کارنامەیەکی بەهێزە و ئەگەر کاری بۆ بکرێت، "ئەنجامی باش و دڵخۆشکەری دەبێت."