وه‌زاره‌تى ناوخۆى حكومه‌تى هه‌رێم بازاڕێك بۆ فرۆشتن‌و مامه‌ڵه‌كردن به‌چه‌ك له‌هه‌رێمى كوردستان ده‌كاته‌وه‌و بەڕێوەبەری گشتیی دیوانی ئه‌و وەزارەته‌ش ورده‌كاریی‌و زانیاریی زیاتر له‌وباره‌یه‌وه ئاشكراده‌كات.
ئاوێنە: ھێمن میرانی بەڕێوەبەری گشتیی دیوانی وەزارەتی ناوخۆ ئاشكرایكرد، "بازاڕێکی نوێ‌و ھاوچەرخی مامەڵەکردن بەچەک لەھەرێمی کوردستان دەکرێتەوە، بەمەش ڕەوشی کڕین‌و فرۆشتنی چەک کۆنترۆڵدەکرێت".
به‌رپرسه‌كه‌ى وه‌زاره‌تى ناوخۆ ده‌ڵێت:"ھەموو ئەوکەسانەی مامەڵە بەچەکەوە دەکەن پێویستە داتابەیسی تایبەتیان بۆ بکرێتەوە، ئەوەی پێشتر ھەبوو بازاڕی قاچاخی چەک بوە له‌هه‌رێمى كوردستان".
ساڵانە لەهەرێمی كوردستان بەهۆی چەكەوە چەندین ڕوداوی نەخوازراو ڕودەدەن‌و كردنەوەی بازاڕی چەكیش لەهەرێم لەكاتێكدایە، حكومەتی هەرێم هەڵمەتی داماڵینی چەكی ڕاگەیاندوە.