سۆزان مەنسور ئەندامی پەرلەمانی عیراق رایگەیاند، بڕیاری دەرچوونی پێشمەرگە و هێزە ئەمنییەكانی سەر بە هەرێم لە قەزای خانەقین راگیراوە، بەڵام هێشتا هەڵنەوەشێنراوەتەوە.
ئاوێنە: سۆزان مەنسور بە دەنگی ئەمەریكای وتووە، بڕیارەكەی فەرماندەی ئۆپەراسیۆنە هاوبەشەكان بۆ دەرچوونی پێشمەرگە و هێزە ئەمنییەكانی سەر بە هەرێم لە قەزای خانەقین راگیراوە، چونكە سەرۆكایەتی كۆمار و لیژنەی ئاسایش و بەرگری پەرلەمان دەستوەردانیان كرد، بەڵام هێشتا بڕیارەكە هەڵنەوەشێنراوەتەوە.
وتوشیەتی، عەبدولئەمیر شەمەری وەزیری نوێی ناوخۆ لە پشت بڕیارەكە بوو، ماوەیەكە سەرقاڵە و كاندیدی وەزیری ناوخۆ بوو، هەفتەی داهاتوو بۆ هەڵوەشاندنەوەی بڕیارەكە سەردانی دەكەن.
ئەو پەرلەمانتارە باسی لەوەش كردووە، بڕیارەكەی بینیوە و لەسەری نوسرابوو، لەسەر بنەمای ئەو راپۆرتانەی بەدەستیان گەیشتوون بڕیاریاندا هەندێك لەو دام و دەزگایانەی سەر بە هەرێمن، بارەگاكانیان لەخانەقین چۆڵ بكەن.