پۆلیسی هەولێر رایگەیاند، شەوی رابردو لە بنەسڵاوە كەسێك بە چەقۆ هاوڵاتییەكی كوشتوەو خۆی رادەستی ئاسایشی دەشتی هەولێر كرد.
ئاوێنە: بەڕێوەبەرایەتی پۆلیسی پارێزگای هەولێر، ئەمڕۆ یەكشەممە، لە رونكردنەوەیەكدا رایگەیاند"دوێنێ شەو ڕێکەوتی (٢٩/٣٠-١٠-٢٠٢٢) کاتژمێر (١٢:٠٠)ی شەو، بەڕێوەبەرایەتی پۆلیسی پارێزگای هەولێر ئاگادارکرانەوە بەبونی ڕوداوێکی شەڕکردن لە بنەسڵاوە."
ئەوەشی خستۆتەڕو"دەستبەجێ هێزەکانی پۆلیس گەیشتنە شوێنی ڕوداو و دەرکەوت کەوا کەسێک بەناوی (ع. ع. م.)، تەمەن (٢٥) ساڵ، کە لەسەر کێشەیەک لەگەڵ (ئەحمەد زیاد ئەحمەد) دەبێتە دەمەقاڵیان و شەڕ لەم نێوەندەدا دروست دەبێت. تۆمەتبار (ع) بە چەقۆ لە سنگی ناوبراو دەدات و زامدار دەبێت لەبەر سەختی زامەکەی ناوبراو گیان لەدەست دەدات."
ئاماژەی بەوەشداوە كە "تۆمەتبار خۆی ڕادەستی ئاسایشی دەشتی هەولێر کرد و دواتر ئاسایشی دەشتی هەولێر ڕادەستی بەشی پۆلیسی قەزای دەشتی هەولێری کرد بۆ ئەوەی ڕێککاری یاسایی بەرامبەر تۆمەتبار بگیرێتەبەر."