شارەزایەكی كەشوهەوا پێشبینی دەكات لە دوسبەی چوارشەممەوە كەشوهەوای هەرێمی كوردستان بۆ ماوەی هەفتەیەك سەقامگیری بەخۆیەوە ببینێتەوەو كاریگەری ناجێگیری كەشوهەوا كۆتایی پێ بێت.
ئاوێنە: ئاراس جەبار، شارەزای كەشوهەوا، ئەمشەو دوشەممە، لە راگەیەندراوێكدا وتویەتی"لە دوسبەی چوارشەمەوە، بۆ ماوەی ھەفتەیەک کەشی ھەرێمی کوردستان و ناوچەکە سەقامگیرییەک بەخۆیەوە ئەبینێتەوەو کاریگەری ناجێگیری کەشوھەوا کۆتایی پێدێت کە لەماوەی رابردودا بوە ھۆی بارانبارینی پچڕپچڕو ھەورە تریشقە لەناوچە جیاوازەکانداو کەش و ئاسمانی ناوچەکە زیاتر بۆ ساماڵ دەگۆڕێت."
ئەوەشی خستۆتەڕو، لەو ماوەیەدا پلەکانی گەرماش زیاتر بە جێگیری ئەمێنێتەوەو بەڕێژەی کەم رۆژانە بەرزی و نزمیان تێدا رودەدات.
ئەو شارەزایەی كەشوهەوا ئەوەشی خستۆتەڕو، "ئەگەر ھەیە لە رێکەوتی ٧ یان ٨ مانگی داھاتوەوە یەکەم نزمەپەستانی دەریای ناوەڕاست لە پاییزی ئەمساڵدا بە ئاڕاستەی ناوچەکانمان جوڵە بکات بەڵام تا ئێستا دۆخەکە جێگیر نییە و کاریگەرییەکانی دیار نین کە چۆن ئەبێت لەروی بارانبارین و ئەو کەشوھەوایەی لەگەڵ خۆیدا دەیھێنێت."