دوای ساڵانێك چاوەڕوانی، پارەی ساڵی 2014ی گەنمی جوتیارانی هەرێمی كوردستان دابەشدەكرێت و بۆ ئەو مەبەستە بەغداد نزیكەی 38 ملیار دیناری ناردووە.
ئاوێنە: موسلیم وەزیری بازرگانی و پیشەسازیی هەرێمی كوردستان، رایگەیاند، پارەی ساڵی 2014ی گەنمی جوتیاران دابەشدەكرێت.
وەزیری بازرگانی ئاشكرایكرد، نزیكەی 38 ملیار دینار لە بەغدادەوە گەیشتووەتە هەرێمی كوردستان كە پارەی ساڵی 2014ی گەنمی جوتیارانی هەرێمی كوردستانە و دەستكراوە بە دابەشكردنی.
كەمال موسلیم وەزیری بازرگانی و پیشەسازیی هەرێمی كوردستان وتیشی، لە هەوڵەكانیان بەردەوامن بۆ دابەشكردنی پارەی گەنمی جوتیاران بۆ هەردوو ساڵی 2015 و 2016 و بڕیارە لە ماوەكانی داهاتوودا، پارەی گەنمی ئەو دوو ساڵەی جوتیارانی هەرێم لە بەغدادەوە رەوانەبكرێت و بە گەیشتنی دابەشدەكرێت.