ئه‌ندامێكى كۆمیته‌ى ناوه‌ندى پارتى دیموكراتى كوردستان ڕایگه‌یاند، له‌نزیكترینكاتدا كۆمیته‌ى ناوه‌ندیی پارتى كۆده‌بێته‌وه‌و مه‌كته‌بى سیاسى‌و ده‌سته‌ى كارگێڕیى مه‌كته‌بى سیاسیى هه‌ڵده‌بژێرێت.
ئاوێنە: ئومێد خۆشناو ئه‌ندامى كۆمیته‌ى ناوه‌ندیی پارتى ڕایگه‌یاند، له‌په‌یڕه‌وى ناوخۆى پارتى په‌سه‌ندكراوه له‌ئاینده‌یه‌كى نزیكدا كۆمیته‌ى ناوه‌ندىى كۆده‌بێته‌وه‌و ده‌سته‌ى كارگێڕو مه‌كته‌بى سیاسى هه‌ڵده‌بژێرێت.
وتیشى:"سەردانی یەکێتی نیشتمانی کوردستان‌و گفتوگۆکردن لەگەڵ لایەسیاسیەکان‌و بەرەوپێشبردنی پەیوەندیەکان، پلانی پارتی دەبێت‌و لەنزیکترینکاتدا دەکرێت، هەمیشە ئەو کێشەو ململانێیانەی کە هەیە لەچوارچێوەی گفتوگۆو دیدارو سەردانە فراوان‌و هاوبەشەکاندا چاره‌سه‌رده‌كرێن، پارتیش خواستی ئەوەی هەیە پەیوەندییەکانی لەگەڵ هەموو هێزو لایەنە سیاسییەکانی هەرێم‌و عێراق‌و ناوچەکە باشتربێت، بۆیە لەداهاتودا سەردان‌و دیدارو گفتوگۆ دەبێت".
له‌كۆنگره‌ى 14ى پارتى دیموكراتى كوردستان ناوى سه‌ركردایه‌تى گۆڕدرا به‌كۆمیته‌ى ناوه‌ندیى‌و له‌جیاتى سكرتێرى مه‌كته‌بى سیاسى ده‌سته‌ى كارگێڕیى مه‌كته‌بى سیاسى هه‌ڵده‌بژێردرێت.
ڕۆژی 3ی ئەم مانگە بەبەشداری نزیکەی 1000 ئەندام، پارتی دیموکراتی کوردستان لەشاری دهۆک کۆنگرەی 14ى ئەنجامداو ماوەی سێ ڕۆژ بەردەوامبوو.