مەسرور بارزانی سەرۆکی حکومەتی هەرێم ڕایگەیاند، پەرلەمانی لۆکسمبۆرگ تاوانەکانی داعشی دژ بە ئێزدییەکان بە جینۆساید ناساند و بە گەرمی پێشوازی لەم بڕیارە دەکەم.
ئاوێنه: ئەمڕۆ هەینی مەسرور بارزانی لە تویتێکدا ئاماژەی بەوەکرد، پەرلەمانی لۆکسمبۆرگ تاوانەکانی داعش لە ساڵی 2014 دژ بە ئێزدییەکانی بە جینۆساید ناساند و وتی، “هەوڵەکانمان زیاتر دەخەینەگەڕ بۆ بەیەکترشادکردنەوەی کوردانی ئێزدی بە کۆمەڵگەی خۆیان”.
ئەوەشی خستەڕوو، “هەموو هەوڵێک دەدەین تاوانباران ڕادەستی یاسا بکەین و پشتیوانی خێزانە ئاوارەکان بین و بەردەوامبین لە داواکاری ئاساییکردنەوەی دۆخی شەنگال”.