هەڵمەتی “پەرژین بکە بە درەخت” لە هەرێمی کوردستان دەستپێدەکات
  2022-11-13       213       

بڕیارە رۆژی سێشەممە 15ی تشرینی دووەمی 2022 هەڵمەتی نیشتمانیی چاندنی نەمام لەژێر دروشمی “پەرژین بکە بە درەخت” لە سەرجەم ناوچەكانی هەرێمی كوردستان دەستپێبكات.

ئاوێنه‌: لەوبارەیەوە ڕزگار حەمەد بەڕێوەبەری گشتی باخداری و دارستان و پاوانی وەزارەتی کشتوکاڵ و سەرچاوەکانی ئاو ڕایگەیاند، ئامانج لە ڕاگەیاندنی ئەم هەڵمەتە نیشتمانییە ڕوبەڕوبوونەوەی وشکەساڵی و گۆڕانکارییەکانی ئاووهەوا و زیادکردنی ڕووبەری سەوزاییە لە هەرێمی کوردستان.

وتیشی، ئەم هەڵمەتە بە هەماهەنگی رێكخراوی مێرگ بەڕێوەدەچێت كە هاوكاربووە لە دابینكردنی خۆبەخش و چاڵ لە زۆرێك لە شوێنەكاندا، هاوکات نەمام لەلایەن وەزارەتی کشتوکاڵەوە بێبەرامبەر دابینکراوە.

پێشتریش لە یادی دامەزراندنی یەکێتیی نیشتمانیی کوردستاندا بافڵ جەلال تاڵەبانی سەرۆکی یەکێتی هەڵمەتی چاندنی یەک ملیۆن نەمامی ڕاگەیاند.

زۆرترین بینراو
© 2023 Awene Online, Inc. All Rights Reserved.
×