نێردەی تایبەتی نەتەوە یەكگرتووەكان لە عیراق "یۆنامی"، ئیدانەی هێرشەكانی سوپای پاسدارانی ئێران بۆ سەر ناوچەكانی هەرێمی كوردستان دەكات و داواش لە بەغدا و تاران دەكات بە گفتوگۆ كێشەكانیان چارەسەر بكەن.
ئاوێنه: یۆنامی لە بەیاننامەیەكدا ئاماژەی بەوەداوە، دووبارە ئیدانەی هێرشەكانی ئێران لە رێگەی موشەك و فڕۆكەی بێفڕۆكەوان بۆ سەر هەرێمی كوردستلن دەكەن، ئەو كارە پێشێلكردنی سەروەری خاكی عیراقە.
ئەوەش هاتووە، نابێت عیراق وەك مەیدانی یەكلاكردنەوەی حساباتەكان بەكاربهێنرێت و پێویستە رێزی سەروەری خاكەكەی بگیردرێت، داوا دەكەن عیراق و ئێران كێشە ئەمنییەكان لە رێگەی گفتوگۆوە چارەسەر بكەن.
بەیانی ئەمڕۆ سوپای پاسداران چەند ناوچەیەكی لە هەرێمی كوردستان بۆردومان كرد و بەهۆیەوە كەسێك گیانی لەدەستدا و 8ی دیكە بریندار بوون.