ئەمڕۆ دوو شەممە بەشێك لە قوتابیانی زانكۆی سلێمانی گردبونەوەو نیوەڕۆی ئەمڕۆ گرژی لەنێوان هێزە ئەمنیەكان و خۆپیشاندەرانی سلێمانی دروست بوو.
ئاوێنه: سەرلەبەیانی ئەمڕۆ دوو شەممە، بەشێك لە قوتابیانی زانكۆی سلێمانی بە مەبەستی داواكردنی دەرماڵەی مانگانە لەكاتی خۆیدا گردبونەوەو بەمەبەستی بڵاوەپێكردنی خۆپیشاندەران هێزە ئەمنیەكان گازی فرمێسك رێژ و بیبەری تونیان بەناو قوتابیاندا رژاندووەو بەو هۆیەشەوە چەند قوتابیەك برینداربوون.
جێگەی باسە، پێشتریش چەندیجار قوتابیانی زانكۆو پەیمانگاكانی هەرێمی كوردستان بەمەبەستی خەرجكردنی دەرماڵەی مانگانە گردبونەوەیان ئەنجامداوەو تائێستاش داواكارییەكەیان جێبەجێ نەكراوە.