ولایەتە یەکگرتووەکانی ئەمریکا سەرکۆنەی هێرشەکەی دوێنێی ئێران بۆ سەر خاکی هەرێمی کوردستان دەکات و داوا دەکات ئێران هێرشەکانی رابگرێت.
ئاوێنە: لە ڕاگەیەنراوێکدا وەزارەتی دەرەوەی ئەمریکا (سێشەممە 15-11-2022) ڕایگەیاند، "بەتوندی سەرکۆنەی هێرشەکانی ئێران لە دژی هەرێمی کوردستانی عێراق دەکەین و پێشێلکردنی سەروەریی خاکی عێراقە."
ئاماژەی بەوەشکردووە، "پاڵپشتی ئەمریکا بۆ هەولێر و بەغدا دووپاتدەکەینەوە و لەگەڵ هاوبەشەکانمان دەوەستین بۆ سەقامگیری و سەروەریی خاکی عێراق."
هاوکات ئەمەریکا داوای لە ئێران کردووە هێرشەکانی بۆ سەر خاکی هەرێمی کوردستان و عێراق بوەستێنێت و دووربێت لە هەڕەشەی یەکپارچەیی خاکی عێراق.