پۆلیسی سلێمانی راگەیاند، ئەو تۆمەتبارەیان دەستگیركردوە كە بە سێ جار 57 قورئانی لە مزگەوتێكی شارەكە دزیوە.

ئاوێنە: بەڕێوەبەرایەتی پۆلیسی پارێزگای سلێمانی، ئەمڕۆ سێشەممە، لە راگەیەندراوێكدا وتی"پاش ئەوەی گرتە ڤیدیۆیەک لە تۆڕە کۆمەڵایەتیەکان بڵاوبویەوە کە مامۆستایەکی ئایینی باس لە دزینی قورئانی مزگەوتەکەی دەکات لە شاری سلێمانی، بەڕێز بەڕێوەبەری پۆلیسی پارێزگای سلێمانی بەشی پۆلیسی نەهێشتنی تاوانی ڕاسپارد بۆ دۆزینەوەو دەستگیرکردنی تۆمەتبار، سەرەنجام  توانرا لەلایەن نوسینگەی نەهێشتنی تاوانی ڕۆژهەڵاتەوە تۆمەتبار بدۆزرێتەوەو دەستگیربکرێت."

بەپێی راگەیەندراوەكەی پۆلیس، "تۆمەتبار ٥٧ قورئانی لە مزگەوتی حاجی کەریم بێکراس بە سێ جار دزیوە، دوایینجاریان لەمانگی ٧/٢٠٢٢ بوە کە 10 قورئانی دزیوە کە بەزاخاوی ئاڵتون نوسرابون."

ئاماژەی بەوەشداوە، لەئێستادا تۆمەتبار (ا. ع. ن.) لەدایکبوی ١٩٩٩ بەبڕیاری دادوەر ڕاگیراوەو لێکۆڵینەوە لەگەڵیدا بەردەوامە.