ئاسایش رونكردنەوە لە شەڕە تەقەكەی ئێوارەی ئەمڕۆی بازگەی سلێمانی دەدات
  2022-11-24       309       

ئاسایشی سلێمانی رایگەیاند، ئێوارەی ئەمڕۆ پێنجشەممە، لە بازگەی سلێمانی دو ئۆتۆمبێل خاڵی پشكنینیان بەزاندوەو هەڵاتون و روبەڕوی هێزەكانیان بونەتەوەو دو كارمەندی ئاسایش برینداردەكەن و تۆمەتباری تەقەكەر بە برینداری دەستگیركراوەو هەروەها تۆمەتبارەكەی دیكەش دەستگیركراوە.   

ئاوێنە: بەڕێوەبەرایەتی ئاسایشی پارێزگای سلێمانی، لە راگەیەندراوێكدا وتی"ئێوارەی ئەمڕۆ پێنجشەممە ٢٤/١١/٢٠٢٢ لەکاتێکدا هێزەکانمان لە ئەرکی رەسمی و راپەڕاندنی رێکارە یاسایی و ئەمنییەکانی خۆیاندا بون  لە بازگەی سلێمانی، دو ئۆتۆمبێل خاڵی پشکینن دەبەزێنن و ھەڵدێن و ووبەڕووی ھێزەکانمان دەبنەوەو دو  کارمەندنی ئاسایش برینداردەکەن ."

ئەوەشی خستۆتەڕو"دوای گرتنەبەری رێکاری ئەمنی بەرامبەریان تۆمەتبار (تەقەکەرەكە) بە برینداری دەستگیردەکرێت  و ئۆتۆمبێلەکەی ترشیان لەڕێڕەوی خۆی لادەدات و وەردەگەڕێت و تۆمەتباری دوەمیش دەستگیرکرا."

بەپێی راگەیەندراوەكە ئاسایشی سلێمانی، ‏‎دوای پشکنین دەرکەوت "لەناو ئۆتۆمبێلی یەکێک لە تۆمەتبارە ھەڵاتوەکان بارێکی چەکی پێبوە (٢٦٧ پارچەچەک، فیشەک و تەقەمەنی) و مەرامی بوە ھەڵبێت و لەدەرەوەی یاسا خۆی دەربازبکات ."

ئاماژەی بەوەشداوە كە "ئەم روداوە رێڕەوی یاسایی خۆی وەرگرتوەو لێکۆڵینەوەی ورد لەو بارەیەوە دەستیپێکردوە."

ئەوەشی وتوە"بەپێی زانیارییەکان دەرکەوت تۆمەتباری لەیاسا ھەڵاتو کە بەبرینداری دەستگیرکرا پێشتر داواکراوبوە لەلایەن دادگاوە."

زۆرترین بینراو
© 2022 Awene Online, Inc. All Rights Reserved.
×