سەرۆکایەتی شارەوانی سلێمانی داوا لە هاوڵاتییان دەکات لەپێناو کەمکردنەوەی مەترسییەکانی دروستبوونی لافاو، گەلی سەربان و حەوشەی ماڵەکانیان پاک بکەنەوە.
ئاوێنه: سەرۆکایەتی شارەوانی سلێمانی لە راگەیەندراوێکیدا ئاماژەی بەوەکردووە:" داواکارین لەهاووڵاتیان، لەکاتی باران باریندا هەستن بە پاکكردنەوەی گەلی سەربان و حەوشەی ماڵەکانیان، کە لەم وەرزدا بەهۆی وەرینی گەڵاوو گوڵی دارو درەختەوە توشی داپۆشین و گیران دەبێت ".
ئەوەشی خستووەتەڕوو:" داواکارین هاوڵاتییان هاوکارمان بن لەپاکڕاگرتنی مەنهۆلەکانی بەردەم ماڵەکانیان، بۆ ئەوەی كارەساتی نەخوازراوی لێنەكەوێتەوە ".