گەشتی زانستیی خوێندنگەکان راگیرا
  2022-11-29       279       

بەڕێوەبەرایەتیی پەروەردەی رۆژئاوای سلێمانی بڵاویکردەوە، بەهۆی نزیکبوونەوەی تاقیکردنەوەکانی کۆتایی وەرزی یەکەم، ئەنجامدانی گەشتی زانستی و سیمیناری ناوەندەکانی خوێندن راگیراوە.

ئاوێنە: بەڕێوەبەرایەتی پەروەردەی رۆژئاوای سلێمانی ئەمڕۆ سێشەممە بڵاویکردەوە، “سه‌رجه‌م ناوه‌نده‌كانی خوێندنی سنوری به‌ڕێوه‌به‌رێتییەکەمان ئاگادارده‌كەینە‌وه‌، به‌هۆی نزیكبوونه‌وه‌ی تاقیكردنه‌وه‌كانی كۆتایی وه‌رزی یه‌كه‌م و له‌به‌ر به‌رژه‌وه‌ندیی خوێندكاران، بڕیاردراوه‌ هه‌موو جۆره‌ گه‌شتێكی زانستی و رێكخستنی سیمینار و چالاكییه‌ك له‌ رۆژی 1-12-2022 رابگیرێن”.

ئاماژەی بەوەش کردووە، “داوا له‌ ناوه‌نده‌كانی خوێندن ده‌كه‌ین هیچ نوسراوێك بۆ ئه‌و مه‌به‌ستانه‌ ئاراسته‌ی به‌ڕێوه‌به‌رێتیی په‌روه‌رده‌ی رۆژئاوای سلێمانی نه‌كه‌ن”.

زۆرترین بینراو
© 2024 Awene Online, Inc. All Rights Reserved.
×