داعش کوژرانی خەلیفەکەی راگەیاند
  2022-11-30       487       

رێكخراوی داعش، ئەمڕۆ چوارشەممە، كوژرانی خەلیفەكەی خۆی راگەیاندو شوێنگرەوەیشی بۆ دەستنیشان كرد.

ئاوێنە: ئەبو عومەر ئەلموهاجیر، وتەبێژی رێکخراوەكە، ئەمڕۆ چوارشەممە، لە تۆمارێکی دەنگیدا کە لە رێگەی تەلەگرامەوە بڵاوکراوەتەوە، رایگەیاند، ئەبو حەسەن ئەلهاشمی ئەلقوڕەشی لە شەڕدا کوژراوە، بەبێ ئەوەی وردەكاری لەبارەی كات و شوێنی كوژرانی بخاتەڕو.

ئەم لێدوانەی داعش پێچەوانەی بانگەشەکانی بەرپرسانی تورکیایە کە لە مانگی ئایاری ئەمساڵ رایانگەیاندبو خەلیفەکەی داعشیان دەستگیرکردوە.

 وتەبێژەكەی داعش راشیگەیاندوە، ئەبو حوسەین ئەلحوسەینی ئەلقوڕەشی بە خەلیفەی نوێی رێکخراوەكە دیاریكراوە كە دەبێتە چوارەم خەلیفەی داعش.

جۆ بایدن، سەرۆكی ئەمریكا، لە رۆژی 3ی شوباتی ئەمساڵ، كوژرانی ئەبو ئیبراهیم ئەلقوڕەشی، خەلیفەی پێشوتری داعش لە پارێزگای ئیدلبی سوریا لە بۆردومانێكی وڵاتەكەیدا راگەیاند.

ئەبو ئیبراهیم ئەلقوڕەشی، دوەم خەلیفەی داعش بو لەدوای ئەبوبەكر بەغدادی كە لە بۆردومانێكی ئەمریكا لەساڵی 2019 كوژرا.

زۆرترین بینراو
© 2023 Awene Online, Inc. All Rights Reserved.
×