لەبارەی دروستبونی "تەمومژێكی چڕ" لە ناوچە جیاجیاكانی هەرێم هۆشداری دەدرێت
  2022-12-01       576       

شارەزایەكی كەشوهەوا، پێشبینی خۆی بۆ كەشوهەوای سبەی هەینی دەخاتەڕو و هۆشداریش دەدات كە لە كاتەكانی ئێوارەی سبەینێوە تا بەرەبەیانی رۆژی شەممە، ئەگەری دروستبونی "تەمومژێكی چڕ" هەیە لە ناوچەكانی سنوری پارێزگای سلێمانی، هەولێر، كەركوك، هەڵەبجەو ئیدارەی گەرمیان.

ئاوێنە: ئاراس جەبار، شارەزای كەشوهەوا، ئەمڕۆ پێنجشەممە، لە راگەیەندراوێكدا وتی"سبەی ھەینی ٢-١٢-٢٠٢٢ ئاسمانی ھەرێم ساماڵ و پەڵەھەور ئەبێت لەناوچە شاخاوییەکاندا بەزۆری نیمچە ھەور، پلەکانی گەرما بەڕێژەی ١ تا ٢ پلەی سیلیزی بەراورد بە ئەمڕۆ نزمدەبنەوە، خێرایی با لەسەرخۆ دەبێت ٥ بۆ ١٠ کم/س بە ئاڕاستەی باشور و باشوری رۆژئاوا."

ئەو شارەزایەی كەشوهەوا ئەوەشی وتوە"لەکاتەکانی ئێوارەی سبەی ھەینی بەدواوە تا بەرەبەیانی دو سبەی شەممە ٣-١٢-٢٠٢٢ لەم مەودایەدا ئەگەری دروستبونی تەمومژی چڕ ئەبێت لەزۆربەی ناوچەکانی سنوری پارێزگای سلێمانی و ھەولێرو کەرکوک و ھەڵەبجەو ناوچەکانی سنوری ئیدارەی گەرمیان."

زۆرترین بینراو
© 2023 Awene Online, Inc. All Rights Reserved.
×