هەپەگە رایگەیاند، دوێنێ چوارشەممە، لە چالاكییەكی گەریلادا لە ناوچەی زاپی هەرێمی كوردستان، پێنج سەربازی توركیا كوژراون.
ئاوێنە: ناوەندی راگەیاندن و چاپەمەنی هێزەكانی پاراستنی گەل(هەپەگە)، ئەمڕۆ پێنجشەممە، لە راگەیەندراوێكدا وتی، لەو چالاكییەی گەریلادا دو سیستمی کامێرای چاودێریش تێکشکێندراون و گورز لە کۆنتەینەرێکیش وەشێنراوە.
هەپەگە ئاماژەی بەوەشداوە كە دەوڵەتی توركیا بانگەشەی ئەوەی كردوە كە لەو چالاكییەدا تەنها سەربازێكیان كوژراوەو "جارێکی دیکە راستییەکانیان لە رای گشتی شاردەوە."