بەپێی قسەی قائیمقامی ماوەت، ئەمڕۆ هەینی، فڕۆكە جەنگییەكانی توركیا چیای ئاسۆسیان لە نزیك گوندی گەڵاڵە و سەفرە لە ناوچەی شارباژێر بۆردومان كردو بەپێی زانیارییە سەرەتاییەكان ژمارەیەك گوندنشین بریندار بون.
ئاوێنە: كامەران حەسەن، قائیمقامی قەزای ماوەت بە میدیای گۆڕانی راگەیاند، بەهۆی بۆردومانی فڕۆكە جەنگییەكانی توركیاوە لە چیای ئاسۆس لە نزیك گوندی گەڵاڵە و سەفرە، ژمارەیەك گوندنیشن كە بۆ كۆكردنەوەی گیای پاییزە رویان لە شاخەكە كردبو، برینداربون.
وتیشی، بەردەوام فڕۆكەی جەنگی توركیا لەو ناوچەیە دەسوڕێنەوەو هاوڵاتیانی گوندەكە ناتوانن بە هانای ئەو كەسانەوە بچن.