بەڕێوەبەرایەتی گشتی کارەبای سلێمانی، هۆكاری كهمی كارهبای ناوچهكانی ماوهت و شارباژێڕ بۆ ئهوه دهگهڕێنێتهوه كه بەهۆی نەبونی سوتەمەنی و دابەزینی پلەکانی گەرما، خواست لەسەر بەکارهێنانی کارەبا زۆر بەرز بۆەتەوە ئەوەش وایکردوە رۆژ بەرۆژ بڕی كاتژمێرەکانی کارەبای نیشتیمانی کەمببێتەوە.
ئاوێنه: لهرونکردنەوەیەکدا بەڕێوەبەرایەتی گشتی کارەبای سلێمانی، ئاگاداری دانیشتوانی شارباژێر و قەزای ماوەتی كردوهتهوه کە لە پەیجی شارباژێر کۆمەڵێک زانیاری ناراست لەسەر رێژەی پێدانی کارەبا بە ناوچەی شارباژێر و ماوەت ناوچە جیاجیاکان بڵاوکراوەتەوە، "لێرەدا دەمانەوێت راستی پێدانی کارەبا و چۆنیەتی دانانی بەرنامەی کارەبا بۆ دانیشتوانی شارباژێر و هەموولایەک رون بکەینەوە ".
لهبهشێكی دیكهی ڕونكردنهوهكهدا هاتووه: سەبارەت بەو رونکردنەوەیەی پەیجی شارباژێر کە تەنیا کارەبای شارباژیر کەمکرابێتەوە راست نیە، چونکەی بەرنامەی دابەشکردنی کارەبای نیشتیمانی لەلایەن بەڕێوەبەرایەتی کۆنترۆڵی کارەبای سلێمانی دادەنرێت بۆ هەر سێ بەڕێوەبەرایەتی گشتی کارەبای سلێمانی و هەڵەبجە و راپەڕین، ئاگاداریش کراون کە لەپێدانی بەرنامەدا رەچاوی ئەو ناوچانە بکەن کە ساردن و موەلیدەیان نیە .
ههروهها ئاماژهبهوهكراوه، بۆ ئەوەی لەدانانی بەرنامەشدا بتوانن ئەو بڕە کارەبایەی هەیە بەیەکسانی دابەش بکرێت بەڕێوەبەری گشتی کارەبای سلێمانی و هیچ بەرێوەبەرێکی گشتی دیکە دەست لە کاروباریان وەرنادات، بەپێی ئەو بڕە کارەبایە بەرهەم دێت و پشکی کارەبای سلێمانیە بەرنامەی تایبەت بۆ ناو شار و گوندەکان و بازرگانی و پیشەسازیی دادەنێن و لەدانی بەرنامەشدا زیاتر ئاگایان لە گوندەکان و دەرەوەی شارە کە موەلیدەیان نیە و سەخت و ساردن.