محەمەد شیاع سودانی، سەرۆك وەزیرانی عێراق دەركردنی یاسای نەوت و غاز "هەنگاوێكی گرنگ" دەبێت و پەیوەندیی نێوان حكومەتی عێراق و هەرێم لەبارەی نەوت رێكدەخات.
ئاوێنە: محەمەد شیاع سودانی، لە چاوپێكەوتنێكدا لەگەڵ كەناڵی فرانس24، رایگەیاندوە، سەردانەكەمان بۆ فەرەنسا وەرچەرخانە لە پەیوەندییەكانی نێوان هەردو وڵاتداو پەیوەندییەكانمان لەڕێگەی ئیمزاكردنی یاداشتنامەی شەراكەتی ستراتیژییەوە، ئاڕاستەیەكی ستراتیژی وەرگرتوە.
لەبارەی مانەوەی هێزەكانی هاوپەیمانان سودانی وتویەتی، عێراق پێویستی بە هێزی شەڕكەری بیانی نییە، بەڵام پێویستی به هاریكارییه لهگهڵ هاوپهیمانی نێودهوڵهتی بهسهرۆكایهتی ویلایهته یهكگرتوهكانی ئهمریكا یان لهگهڵ وڵاتانی دهرهوهی هاوپهیمانی نێودهوڵهتی لهبواری بهرهنگاربونهوهی تیرۆر و گهرهنتی سهقامگیری و ئاسایش.
ئەوەشی خستۆتەڕو"پێویستمان بهشێوازێكی نوێی پهیوهندییە لهگهڵ هاوپهیمانی نێودەوڵەتی، كهلهسهر بنهمای هاریكاری و ئاڵوگۆڕی زانیاریهكان و كاركردنی هاوبهش بێت، لهگهڵ گهرهنتیكردنی سهروهری عێراق و ئەنجومەنی ئاسایشی نیشتمانی عێراق، پێداچونەوە بەمەدا دەكات بۆ دیاریكردنی چوارچێوەی پەیوەندییەكە."
هەروەها لە بەشێكی دیكەی قسەكانیدا سودانی رایگەیاندوە، یاسای بودجە دەبێتە مایەی چارەسەركردنی زۆربەی كێشەكانی حەواڵەی دارایی بەپێی دەستور، پاشان هەنگاوە گرنگەكە دەنێین كە خۆی لە دەركردنی یاسای نەوت و غازدا دەبینێتەوە، یاساكە پەیوەندیی نێوان حكومەتی فیدراڵ و حكومەتی هەرێم و ئەو پارێزگایانەدا رێكدەخات كە بەرهەمهێنەری نەوتن.
لەبارەی قەیرانی نرخی دۆلاریشەوە، سودانی وتویەتی، بەهۆی بەرزبونەوەی نرخی دۆلار، نرخی كاڵاكان بەرزبۆتەوە، بەڵام بەگشتی دۆخی دارایی ئێستای عێراق باشترین دۆخە لەساڵی 2003ەوە.
وتوشیەتی، پێشتر لە رۆژێكدا 300 ملیۆن دۆلار دەخرایە بازاڕەوە، كە بەشێكی بە بازرگانی نایاسایی و بەقاچاخ و بەشێوازی سپیكردنەوەی پارە دەبرایە دەرەوەی وڵات.
ئەوەشی وتوە"وەفدێكی عێراق بهسهرۆكایهتی وهزیری دهرهوه و كۆمهڵێك له كهسانی پسپۆڕ سهردانی واشنتۆن دهكات و كە لەگەڵ خۆیدا چەند دۆسیەیەك پێ دەبێت و یەكێك لەو دۆسیانەی كە لەگەڵ بانكی فیدراڵی ئەمریكا و وەزارەتی گەنجینەی ئەو وڵاتە تاوتوێی دەكات، پرسی لێكەوتەكانی جێبەجێكردنی ئەو پێوەرانەیان كە وەزارەتی گەنجینەی ئەمریكا دایناون، بەشێوەیەك كە ئامانجی خوازراو بۆ هەردولا دەستەبەربكات."