بەپێی پێشبینییەکانی کەشناسی، ئەو شەپۆلە بەفر و بارانبارینەی چەند رۆژێکە هەرێمی کوردستانی گرتووەتەوە تا ئێوارەی ئەمڕۆش کاریگەری دەبێت و پلەی گەرما زیاتر دادەبەزێت.
ئاوێنە: بەشی پێشبینییەکانی کەشناسی بوومەلەرزەزانی هەرێمی کوردستان ئەمڕۆ پێنج شەممە ئاسمان هەور دەبێ لەگەل دابارینی نمە باران و بەفر لەناوچە کانی باکووری رۆژهەڵاتی هەرێم وە هەروەها لەناوچەکانی رۆژهەڵاتی هەرێم و سەنتەری شاری سلێمانی و دەورو بەری , لەکاتەکانی ئێوارە دابارین لەزۆربەی ناوچەکان رادەوەستێ وە ئاسمان بەرەو نیمچە هەور دەگۆڕێت.
هەروەها پلەکانی گەرما نزم دەبێتەوە بە (2-3) پلە وە لەناوچە شاخاوویەکان زیاتر دادەبەزن (3-7) پلە بە بەراورد بە تۆمارکراوەکانی دوێنی.
سەبارەت بە کەشوهەوای سبەی کەشناسی پێشبینی دەکات،ئاسمان لەنێوان ساماڵ و نیمچە هەور دەبێت لەکاتەکانی بەیانی زوو ئەگەری درووست بوونی تەم هەیە .
هەروەها پلەکانی گەرما نزمترین پلە نزیک دەبێتەوە وە بەرزترین پلەش کەمێک بەرزتر بە (1-2) پلە بە بەراوورد بە تۆمارکراوەکانی ئەمڕۆ .
بەرزترین پلەکانی گەرمای پێشبینیکراو بە پلەی سیلیزی :
هەولێر : 10 پلەى سیلیزى
سلێمانی : 4 پلەى سیلیزى
دهۆک : 9 پلەى سیلیزى
کەرکوک : 11 پلەى سیلیزى
هەڵەبجە : 4 پلەى سیلیزى
زاخۆ : 9 پلەى سیلیزى
سۆران : 5 پلەى سیلیزى
گەرمیان : 12 پلەى سیلیزى