بڕیارە سبەینێ دەوامی ناوەندەكانی خوێندن دەستپێبكاتەوە و بەهۆی مانگی ڕەمەزانیشەوە دەوام كەمدەكرێتەوە.
ئاوێنه: ئەمڕۆ هەینی ئالان حەمە سەعید، وەزیری پەروەردەی حكوومەتی هەرێمی كوردستان ڕاگەیاند، سبەی شەممە 25ی3ی 2023، دەوامی قوتابخانەكان و ناوەندەكانی خوێندن لە وەزارەتی پەروەردە دەستپێدەكاتەوە.
لەبارەی كەمكردنەوەی دەوامی قوتابخانەكان بەهۆی مانگی ڕەمەزانەوە، وەزیری پەروەردە، دەڵێت، “بەهۆی مانگی ڕەمەزانەوە هەر وانەیەك پێنج خولەك كەمكراوەتەوە و كراوەتە 35خولەك.”
دەشڵێت، لەپاڵ كەمكردنەوەی پێنج خولەك بۆ هەر وانەیەك، بە بڕیاری وەزارەتی پەروەردە،مامۆستایان بۆیان هەیە تەنها ئەو كاتانە لە قوتابخانە بن كە وانەیان هەیە ، ئەوكاتانەی كە وانەیان نییە بونیان لە قوتابخانە ئیلزامی نابێت.
ئەوە لەكاتێكدایە بەهۆی جەنی نەورۆزەوە لە هەرێمی كوردستان لە ڕۆژی 21 ی ئەم مانگە هەتا 26ی مانگ واتە ڕۆژی یەكشەممە حكومەتی هەرێم پشووی فەڕمی ڕاگەیاند.