بە دوو رۆژ پاش ئەو بۆردومانە مووشەكییەی كرایەسەر بنكەیەكی هێزەكانی ئەمریكا لە پارێزگای دێر لزور لە رۆژهەڵاتی سوریا، هێزەكانی سوپای عێراق بەرەو ناوچە سنوورییەكان لەگەڵ ئەو وڵاتە جوڵە پێكران.
ئاوێنە: بەپێی رۆژنامەی شەرقل ئەوسەت جوڵەپێكردنەكەی سوپا بۆ پڕكردنەوەی بۆشایی ئەمنی نێوان هەردوو وڵاتە.
بۆردومانەكەی سەر بنكە سەربازییەكەی ئەمریكا بەپێنج مووشەك بوو و بەهۆیەوە كارمەندێكی خزمەتگوزاری برینداربوو، وەك ئەوەی سوپای ئەمریكا رایگەیاند.
رۆژنامەكە لە زاری سەرچاوەیەكی بەرپرس لە حكومەتی خۆجێیی پارێزگای ئەنبار رایگەیاند، هێزەكانی سوپای عێراق هەڵمەتێكی گەڕان و پشكنینیان لە ناوچەكانی هێڵی سنووری لەگەڵ سوریادا ئەنجامداوە.
ئاماژەی بەوەشكرد، سوپا و هێزەكانی پاسەوانی سنوور لە ناوچە سنوورییەكان بڵاوەپێدەكرێن و ئامانج لێی رێگرییە لەهەر دزەكردنێكی ئەمنی.