كەشناسی هەرێم رایگەیاند، ئاسمانی ئەمڕۆ(هەینی)و سبەی(شەممە)ی شارەكانی باشوری كوردستان هەوری باراناوی دەبێت و لەناوچە شاخاوییە سنورییەكانی هەر سێ پارێزگای هەولێر، سلێمانی و دهۆك-یش بەفر دەبارێت.
ئاوێنە: بەڕێوەبەرایەتی گشتی كەشناسی و بومەلەرزەزانی هەرێمی كوردستان لەڕاگەیەندراوێكدا باری كەشوهەوای ئەمڕۆ و سبەی شارەكانی باشوری كوردستانی خستەڕو.
بەپێی كەشناسی ئاسمانی شارەكانی باشوری كوردستان، ئەمڕۆ و سبەی هەوری باراناوی دەبێت و لە ناوچە شاخاوییەكانی هەر سێ پارێزگای هەولێر و سلێمانی و دهۆكیش بەفر دەبارێت.
هەر بەگوێرەی راگەیەندراوەكە پلەكانی گەرما رو لە نزمبونەوە دەكەن.