سعودیە داوا لە موسڵمانی
جیهان دەكات، پەلەنەكەن لە دانانی پلان بۆ حەجی ئەمساڵ تاوەكو بەرچاویان سەبارەت
بە پرسی كۆرۆنا رون دەبێتەوە.
ئاوێنە: محەمەد
ساڵح بەنتن، وەزیری حەجی سعودیە، لە بەرنامەیەكی تەلەفزیۆنیدا رایگەیاند كە وڵاتەكەی
ئامادەیە بۆ خزمەتكردنی حاجیان لە هەر بارودۆخێكدا بەڵام ئەولەویەتی پاراستنی
سەلامەتی حاجیانە.
وەزیری حەجی
سعودیە هەروەها وتیشی: داوا لە موسڵمانان دەكەین جارێ پلان بۆ ئەنجامدانی فەریزەی
حەجی ئەمساڵ دانەنێن تاوەكو بەرچاوڕونییەكی زیاتر سەبارەت بە ڤایرۆسی كۆرۆنا
دێتەئاراوە.
هەروەها وتی: سعودیە سەرپەرشتی و هاوكاری
یەك هەزارو 200 كەس دەكات كە چونەتە ئەو وڵاتە بۆ ئەنجامدانی عەمرە بەڵام بەهۆی
رێكارەكانی بەرەنگاربونەوەی كۆرۆناوە گیریان خواردوەو نەیانتوانیوە بگەڕێنەوە بۆ
وڵاتەكانیان.
هەروەك هێمای بۆ ئەوەش كرد كە
وەزارەتەكەیان سورە لەسەر گێڕانەوەی سەرجەم ئەو پارانەی كە لەلایەن ئەو كەسانەوە
دراوە پلانیان هەبوە بچنە سعودیە بۆ ئەنجامدانی عەمرە.