ئەنجومەنی
وەزیرانی هەرێمی كوردستان رایگەیاند چاوەڕوانن لەحكومەتی عێراق ئەركی یاسایی و
ئەخلاقی خۆی دەرهەق بە پارێزگای هەڵەبجە بەجێ بگەیەنێت و قەرەبوی خەڵك و ژینگەكەی
بكاتەوە.
ئاوێنە:
ئەنجومەنی وەزیرانی هەرێمی كوردستان لەپەیامێكدا بەبۆنەی تێپەڕوبونی 31 ساڵ بەسەر
كارەساتی كیمیابارانی هەڵەبجەدا رایگەیاند، ئەمڕۆ سی و یەک ساڵ بەسەر کارەساتی کیمیابارانکردنی
هەڵەبجەدا لەسەر دەستی ڕژیمی پێشوی عێراق تێدەپەڕێت کە وێڕای شههیدبونى پێنج هەزار
هاوڵاتیی بێتاوان، هەزارانی دیکەش برینداربون و تا ئێستاش زۆربەیان بەدەست لێکەوتهو
کاریگەرییە خراپە تەندروستی و دەرونییەکانی ئەو کارەساتەوە دەناڵێنن. ئەمە وێڕای ئاوارەبونی
هەزاران خێزان و وێرانکردن و تێکدانی ژینگەی ئەو دەڤەرە دڵگیرەی کوردستان.
ئەنجومەنی
وەزیرانی هەرێم وتوشیەتی"یادکردنەوەی ئەم کارەساتە جگە لەوەی ڕێزگرتنە لە قوربانیانی
گەلەکەمان و مێژوی پڕ لە تێکۆشان و قوربانیدانمان، جەختکردنهوهی حکومەتی هەرێمى كوردستانیشە
لە بایەخدانی جددی بە ژیان و خزمەتکردنی برینداران و خانەوادە و کەسوکاری قوربانیانی
چەکی کیمیایی و خزمەتکردنی زیاترى هەڵەبجەی ئازیز کە بێگومان کاری زۆر ماوە بۆیان بکرێت
و حکومەت بە پەرۆشەوە خزمەتی زیاتر و پێشکەشکردنی خزمەتگوزاریی باشتر بە پارێزگای هەڵەبجە
و دانیشتوانە سەربەرزەکەی بە ئەرکی گرنگ و سەرەکیی خۆی دەزانێت."
ئەوەشی
خستۆتەڕو"چاوەڕوانیمان لە حکومەتی عێراقیش بەجێگەیاندنی ئەرکی یاسایی و ئەخلاقیی
خۆیەتی دەرهەق بەم پارێزگایە و دانیشتوانەکانی لە هەمو جۆرە بایەخپێدانێک لهگهڵ قەرەبوکردنەوەی
ماددی و مەعنەویی خەڵکەک و ژینگەکەی، وەک قوربانیی دەستی دەوڵەتی عێراق."
لەكۆتاییشدا
ئەنجومەنی وەزیران وتویەتی"وەک چۆن هەڵەبجەی شەهید سیمبولی ئازار و قوربانیی گەلەکەمانه،
بە هەمان شێوەش سیمبولی خۆڕاگری و زیندوییمانە. قوربانیان و ئەو ئازیزانەمان کە لەم
کارەساتە ناخهەژێنەدا لەدەستمان داون، هەمیشە لە یادمانن و تاههتایه لە ویژدانی ئەم
گەلەدا یادیان زیندوە."