وەزارەتی تەندروستی
عێراق، توشبونی 429 كەسی دیكەی بە كۆرۆنا راگەیاندو دەشڵێت: 10 توشبوی دیكەی كۆرۆنا
گیانیان لەدەستداوەو 119 توشبوش چاكبونەتەوە.
ئاوێنە: وەزارەتی
تەندروستی عێراق، ئێوارەی ئەمڕۆ دوشەممە، لە بەیاننامەیەكدا ئاشكرایكرد: لەماوەی
24 سەعاتی رابردودا 429 حاڵەتی دیكەی توشبون بە كۆرۆنا تۆماركراون، بەمشێوەیە: بەغدا:
172 حاڵەت، نەجەف: 6 حاڵەت، بەسرە: 22 حاڵەت، سلێمانی: 102 حاڵەت، دهۆك: 2 حاڵەت،
كەربەلا: 11 حاڵەت، دیالە: 4 حاڵەت، واست: 41 حاڵەت، بابل: 4 حاڵەت، دیوانیە: 8 حاڵەت،
میسان: 38 حاڵەت، موسەننا: 13 حاڵەت، نەینەوا: 6 حاڵەت.
ئەوەش بەرزترین تۆماری رۆژانەی توشبوانە
لەو كاتەوەی ڤایرۆسەكە هاتۆتە عێراق.
بەپێی بەیاننامەكە
هەر لەماوەی 24 سەعاتی رابردودا 10 توشبوی دیكەی كۆرۆنا گیانیان لەدەستداوە كە 7
حاڵەتیان لە بەغداو سێ حاڵەتەكەی دیكە لە هەر یەكە لە میسان و ئەنبارو سلێمانی بون.
بەگوێرەی بەیاننامەكە
هەر لەو ماوەیەدا 119 حاڵەتی چاكبونەوە لە نەخۆشی كۆرۆنا تۆماركراون، بەمشێوەیە: بەغدا:
72 حاڵەت، نەجەف: 1 حاڵەت، هەولێر: 11 حاڵەت، بەسرە: 23 حاڵەت، دیالە: 5 حاڵە،
دیوانیە: 3 حاڵەت، واست: 4 حاڵەت.
وەزارەتی تەندروستی
عێراق هێمای بۆ ئەوە كردوە كە بە تۆماركردنی ئەم حاڵەتە نوێیانە كۆی توشبون بە كۆرۆنا
گەیشتۆتە شەش هەزار و 868 كەس و لەوانە 215 كەسیان گیانیان لەدەستداوەو سێ هەزارو 275
كەسیان چاكبونەتەوەو سێ هەزار و 378 كەسیشیان لە نەخۆشخانەكانن كە لەوانە 43 توشبویان
لەژێر چاودێری چڕدان.