ئەندامێكی ئەنجومەنی نوێنەران رایگەیاند، هەفتەی داهاتوو كۆتا وادەی دیاریكردنی كەسێكە بۆ پۆستی سەرۆكی ئەنجومەنی نوێنەرانی عێراق.
مەحمەد بەلداوی، نوێنەری هاوپەیمانی فەتح لە ئەنجومەنی نوێنەرانی عێراق لە لێدوانێكدا رایگەیاند:" سەرەڕای ئەوەی هێزە سوننییەكان تا ئێستا لەسەر كەسێكی دیاریكراو بۆ پۆستی سەرۆكی ئەنجومەنی نوێنەران رێكنەكەوتوون، بەڵام هەفتەی داهاتوو كۆتا وادەیە بۆ ئەوەی ئەو پۆستە یەكلا بكرێتەوە".
ئاماژەی بەوەشكردووە:" رێككەوتنی سەرەتایی لەنێوان هێزە سیاسییەكاندا هەیە بۆئەوەی سێشەممەی داهاتوو دانیشتنێكی نائاسایی ئەنجامبدرێت، لەپێناو هەڵبژاردنی سەرۆكی نوێی ئەنجومەنی نوێنەران".