دەزگای ئاسایشی نیشتیمانی عێراق رایگەیاند، لە بەغدا هەڵیانکوتاوەتە سەر کتێبخانەیەک کە بانگەشەی بۆ حیزبی بەعس و رژێمی روخاو کردووە.
ئەمڕۆ پێنجشەممە، دەزگای ئاسایشی نیشتیمانی عێراق لە بەیاننامەیەکدا رایگەیاند:" بە پشتبەستن بە زانیاری ورد کە لەلایەن هاوڵاتییانەوە پێیان دراوە، هەروەها بە چاودێری مەیدانی، مەفرەزەکانمان دوای وەرگرتنی رەزامەندی دادگا توانیان هەڵبکوتنە سەر کتێبخانەیەک کە بانگەشەی بۆ حیزبی بەعس و رژێمی رووخاو کردوە".
باسی لەوەش کردووە، دەزگاکەمان کتێبخانەکەیان لە مۆڵێکدا دۆزیوەتەوە لە ناوەڕاستی شاری بەغدا، دوای گەڕان و پشکنین دەستگیرا بەسەر 40 کتێب کە وێنەی سەدام حسێن سەرۆکی رژێمی پێشووی لەسەر بوو.
دەزگای ئاسایشی نیشتیمانی عێراق دەشڵێت، دەستگیرا بەسەر کتێبەکاندا و هەروەها خاوەنەکەشی دەستگیرکراوە و رادەستی لایەنە پەیوەندیدارەکان کراوە بۆ گرتنەبەری رێوشوێنی پێویست لەبەرامبەری.
هەروەها، هەر لەو بەیاننامەیەدا دەزگاکە رایگەیاندووە کە هەر لەو چوارچێوەیەدا مەفرەزەکانیان لە بەغدا کەسێکیان کردووە کە لە ئاهەنگی سەری ساڵدا بەسەر شکۆی رژێمی بەعسدا هەڵیداوە.