شەوی رابردو له‌ ئه‌نجامی هێرشێکی چه‌کداری ژمارەیەك ھاوڵاتی داقوق کوژران
  2019-08-25       451       
شەوی رابردو چەند چەكدارێكی  داعش به‌چه‌کی بی که‌ی سی دەستڕێژی گولـلەیان لە ژمارەیەك ھاوڵاتی داقووق كرد و، لە ئەنجامدا ژمارەیەك كەس كوژران و برینداربوون.

ئاوێنه‌: پۆلیسی داقوق بڵاوی كردووه‌ته‌وه‌ "درەناگانی شەوی رابردوو  لە نزیک ئیمام زەین عابدین كران ژماره‌یه‌ک چه‌کداری نه‌ناسراو ژمارەیەک هاوڵاتیان لە یاریگایەکی قەزای داقوق، دایه‌بەر دەستڕێژی گولـلە، دوای ئەو هێرشە چەکدارییە چەند کوله‌ هاوه‌نێک ئاڕاستەی گه‌ره‌کێکی ناوچه‌که‌ کرا".

بەگوێرەی سەرچاوە پزیشکییەکانی داقووق بەهۆی ئەو هێرشەوە شه‌ش کوژراو و ژمارەیەک بریندار گەیەنراونەتە نەخۆشخانەی داقووق کە کوژراوەکان به‌شێکیان یاریزان بوون.

دوای رووداوەکە هێزێکی زۆری ئەمنی چوونەتە شوێنەکە و پشتێنەی ئەمنییان درووستکردووە، لەکاتی گەیشتنی هێزەکەش دەنگی تەقەیەکی زۆری هەڕەمەکی بە ئاراستەی ئەو چەکدارانە کراوە کە هێرشەکەیان ئەنجامداوە.
زۆرترین بینراو
© 2018 Awene Online, Inc. All Rights Reserved.
×