یەحیا رەسول، وتەبێژی محەمەد شیاع سودانی، فەرماندەی گشتی هێزە چەكدارەكانی عێراق رایگەیاند، هێرشەكانی شەوی رابردوی ئەمریكا، پێشێلكردنی سەروەریی عێراقن.
ئاوێنە: یەحیا رەسول لە راگەیەندراوێكدا وتویەتی، ئەمریكا لەڕێگەی فڕۆكەی جەنگییەوە هێرشی كردۆتە سەر شاری قائم و چەند ناوچەیەكی سنوریی عێراق، ئەو هێرشانە لەكاتێكدان كە عێراق هەمو هەوڵی خۆی خستۆتەگەڕ بۆ پاراستنی سەقامگیری ناوچەكە.
وتەبێژی فەرماندەی گشتی هێزە چەكدارەكانی عێراق جەختی كردۆتەوە كە ئەو هێرشانە پێشێلكردنی سەروەری عێراقن و لاوازكردنی هەوڵەكانی حكومەتی عێراقن و ئەنجامەكانی مەترسیدار دەبن لەسەر ئاسایش و سەقامگیری عێراق و ناوچەكە.