سۆران عومەر، ئەندامی پەرلەمانی عێراق رایگەیاند، وەزارەتی دارایی عێراق بە چوار لیست نزیكەی 568 ملیار دیناری بۆ موچەی موچەخۆرانی هەرێمی كوردستان خستە سەر حسابی وەزارەتی دارایی هەرێم.
ئاوێنە: سۆران عومەر، پەرلەمانتاری عێراق لە راگەیەندراوێكدا ئاماژەی بەوەداوە ئاماژەی بەوەشداوە كە لیستەكان پێكدێن لە؛ لیستی یەکەم: خانەنشینی مەدەنی و سەربازی. لیستی دوەم: خاوەن پێداویستی تایبەت. لیستی سێیەم: کەسوکاری شەهیدو ئەنفالکراوان. لیستی چوارەم: 37 وەزارەت و دەستەو سەرۆکایەتییەکان و ئەنجومەنی دادوەری.
ئەو پەرلەمانتارە وتوشیەتی: لیستی وەزارەتی پێشمەرگەو ناوخۆو ئاسایش و ئەنجومەنی ئاسایش نەنێردراوە کە 300 ملیار دینارەو پێویستە هەرێم لەداهاتی ناوخۆ دابینی بکات.
