لاهور شێخ جەنگی بەلیستی سەربەخۆی "بەرەی گەل" بەشداری لە هەڵبژاردنی پەرلەمانی كوردستاندا دەكات.
دوێنێ لەشاری هەولێر حزبی "بەرەی گەل" كۆنگرەی خۆی بەست و تیایدا (160) ئەندام بەشداربوون و سەرۆك و (13) ئەندامی سەركردایەتی حزبەكەی هەڵبژارد.
دەقی راگەیەندراوی حزبی " بەرەی گەل"
بەرەی گەل ، هەڵهاتنی خۆرێكی نوێیە ، لەدایكبوونی ئومێدێكە لەم هەرێمە پڕ لە نا ئومێدیەدا ، هیوایەكە بۆ بنیادنانی ئایندەیەكی گەش بۆ خەڵكی كوردستان ،رێگایەكە بۆ كۆتایی هێنان بەو دۆخە نالەبارەی سی ساڵە بەرۆكی خەڵكی كوردستانی گرتووە ، هۆكارێكە بۆ بنیادنانی حكومەتێكی خزمەتگوزار و دڵسۆز بۆ خەڵكی كوردستان .
بەرەی گەل بەرەی خەڵكە ، گەل و خاك و خزمەتكردن بە خەڵكی كوردستان و ئازادی بیروڕا و مافی هاوڵاتی گرنگترین ئامانجەكانیەتی .
هەمووان بەرەی گەل دەكەینە بنیادی ئایندەیەكی گەش بۆ خۆمان و نەوەكانمان.