جێگری سەرۆكی دادگای تێهەڵچوونەوەی سلێمانی رایگەیاند، پێویستە شۆفێران ئاگاداری سەپێچییەكانیان بن و لە ئەگەری دووبارە و سێبارە كردنەوەی هەمان سەپێچی سزای توند رووبەڕوویان دەكرێتەوە.
حاكم سەڵاح حەسەن قادر، جێگری سەرۆكی دادگای تێهەڵچوونەوەی سلێمانی لە لێدوانێكدا رایگەیاند:" لەڕووی یاساییەوە هەر كەسێك بەبێ مۆڵەت شۆفێری بكات، بۆ یەكەمجار سزای دارایی دەدرێت بەبڕی (250) هەزار تاوەكو یەك ملیۆن دینار".
ئاماژەی بەوەشكردووە:" لەكاتی دووبارەكردنەوەی سەرپێچیەكەدا بۆ ماوەی یەك مانگ زیندانی دەكرێت".
روونیشیكردەوە:" ئەگەر بێت و شۆفێر سەرپێچییەكە بۆ سێجار بووبارەكردەوە، بۆ ماوەی سێ مانگ زیندانی دەكرێت".