"یه‌كێتی‌ ده‌نگ به‌دادوەر ئەركان قادر ده‌دات بۆ وه‌رگرتنی‌ پۆستی‌ وه‌زیری‌ دادی‌ عێراق"
  2019-01-22       382       
دانیشتنێكی‌ ئەنجومەنی نوێنەرانی عێراق


ئەندامێكی فراكسیۆنی یەكێتی لەئەنجومەنی نوێنەرانی عێراق ئاماده‌یی حزبه‌كه‌ی‌ ئاشكرا ده‌كات بۆ ده‌نگدان به‌دادوەر ئەركان قادر بۆ وه‌رگرتنی‌ پۆستی‌ وه‌زیری‌ دادی‌ عێراق.



ئاوێنه‌: د.میران محەمەد، ئەندامی فراكسیۆنی یەكێتی لەئەنجومەنی نوێنەرانی عێراق، بەمیدیای‌ حزبه‌كه‌ی‌ راگەیاندووه‌، وەكو فراكسیۆنی یەكێتی نابنە هۆكارێك بۆئەوەی تەواوكردنی كابینەی حكومەتی عێراق لەوە زیاتر دوابكەوێت، چونكە خەڵك پێویستی بەخزمەتگوزارییە.



وتیشی، "ئامانجی یەكێتی لەداواكردنی پۆستی وەزارەتی داد، ئەوە بووە كە كەسێك لەكەركوك پۆستەكە وەربگرێت، بۆئەوەی خزمەتی خەڵكی ئەو شارە بكات، بەتایبەت لەم دۆخەی ئێستادا كە نائارامییەكی ئیداریی‌و سیاسی هەیە".



لەبارەی هەڵوێستیان بەرامبەر دادوەر ئەركان قادر وەلی كەریم بیبانی، كە دوێنێ لەلایەن عادل عەبدولمەهدی سەرۆك وەزیرانی عێراقەوە وەك كاندیدی پۆستی وەزیری داد ناوەكەی بۆ ئەنجومەنی نوێنەران بەرزكرایەوە، د.میران محەمەد ده‌ڵێت، "لەبەر ئەوەی ئەو دادوەرە خەڵكی كەركوكە، بۆیە بەدڵنیاییەوە پشتیوانی دەكەین‌و لەئەنجومەنی نوێنەران دەنگی پێدەدەین".


له‌دانیشتنی‌ ئه‌مرۆ سێشه‌ممه‌ی‌ ئه‌نجومه‌نی‌ نوێنه‌راندا سەرۆکی‌ پەرلەمانی‌ عێراق بەرنامەی‌ کاری‌ دانیشتنی‌ سبەی‌ چوارشەممەی‌ پەرلەمانی‌ خوێندەوەو بەپێی‌ بەرنامەی‌ كاری‌ دانیشتنه‌کە، سبه‌ی‌ په‌رله‌مان پرۆسه‌ی‌ دەنگدان لەسەر پرۆژە یاسای‌ بودجەی‌ ٢٠١٩ی‌ عێراق‌و ئەو کاندیدانەی‌ پێشکەشکراون بۆ هەردو وەزارەتی‌ دادو پەروەردە ئه‌نجامده‌دات.

زۆرترین بینراو
سه‌رۆك وه‌زیرانى ئیسرائیل هه‌ڕه‌شه‌ له‌عێراق ده‌كات
جەهەپە: ئاکەپە ئامادەکاری دەکات سەرۆک شارەوانییەکانی ئیستەنبوڵ‌و ئەنقەرەش دوربخاتەوە
یەکێتی ئەوروپا: لابردنی سێ سەرۆک شارەوانییەکە سه‌لماندی دیموكراسی له‌توركیا بونی نییه‌
عومەر بەشیر لەنێو قەفەس دادگا: ٢٥ ملیۆن دۆلارم لە محەمەد بن سەلمان وەرگرتووە
كشتوكاڵی سلێمانی سزای‌ 27 فه‌رمانبه‌ری‌ دا له‌سه‌ر ئه‌وه‌ی‌ پابه‌ندنه‌بوون به‌كاتی ده‌وامكردنه‌وه‌
فازڵ میرانی: ڕێگە نادەین لەهەرێمی کوردستانەوە هەڕەشە لەئاسایشی ئێران بکرێت
سوپای سوریا لە ئاسمانەوە هێرشی کردە سەر کاروانێکی سەربازی سوپای تورکیا
وتەبێژی حكومەتی هەرێم: ئامادەین داهاتی 250 هەزار بەرمیل نەوتی رۆژانە رادەستی بەغدا بكەین
پۆلیسی تورکیا هێرشی کردە سەر خۆپیشاندەرانی دیاربه‌كر
مه‌سرور بارزانی‌ داوا له‌وه‌زیره‌كانی‌ كابینه‌ی‌ نۆیه‌م ده‌كات فۆڕمی‌ ئاشكراكردنی‌ سامانه‌كه‌یان پڕبكه‌نه‌وه‌
© 2018 Awene Online, Inc. All Rights Reserved.
×