داعش هێرشیکردە سەر گوندێکی گوڵاڵە
  2019-12-02       286       

ئەمشەو چەکدارانی داعش بە هاوەن هێرشیانکردە سەر گوندی سوبەیدعی سەر بە شارۆچکەی گوڵاڵە و بەهۆیەوە سەربازێکی سوپای عێراق کوژرا و دوو سەربازی دیکە برینداربوون. 

ئاوێنه‌: موقەدەم ئەحمەد مستەفا، بەرپرسی هەواڵگریی هێزەكانی پێشمەرگە لە ناوچەکە  رایگەیاند، دوای ئاراستەکردنی هاوەنەکان شەڕ و رووبەڕووبوونەوە لەنێوان هێزەکانی سوپای عێراق و چەکدارانی داعش روویداوە. بۆمبێک بە هێزەکانی سوپای عێراق تەقیوەتەوە و سەربازێک کوژراوە و دوو سەربازی دیکەش بریندابوونە. 

هاوكات هەر ئەمشەو لە گوندی باخچەی سەر بە شارۆچکەی نەفتخانە، بۆمبێك بە هێزەكانی حەشدی شەعبی تەقیەوە و بەهۆیەوە پێنج چەکداری حەشدی شەعبی برینداربوون و دوانیش کوژراون. 

هەر بە وتەی ئەو بەرپرسەی پێشمەرگە، لە شارۆچکەی ئیمام وەیس ـی سەر بە پارێزگایی دیالەش داعش لە سێ قۆڵەوە هێرشیان كردووەتە سەر سوپای عێراق.

ئەمە لەکاتێکدایە ئێوارەی رۆژی هەینی 29-11-2019 داعش هێرشیکردەسەر شارۆچکەی کوڵەجۆی سەر بە قەزای کفری، دوای رووبەڕووبوونەوە لەگەڵ ئاسایشی شارەکە، به‌ڕێوەبه‌ری یاریده‌ده‌رێتی ئاسایشی كوڵه‌جۆ‌ و دوو کارمەندی ئاسایش شەهیدبوون.
زۆرترین بینراو
© 2018 Awene Online, Inc. All Rights Reserved.
×