2019-12-13   2950     
جەنەراڵ مەزڵوم كۆبانی ڕایدهگهیهنێت، بڕیاری بەجینۆساید ناساندنی كۆمەڵكوژیی ئەرمەنەكان لهلایهن ئەنجومەنی پیرانی ئەمریكاوه، ڕێگه لهتوركیا دهگرێت كه كۆمهڵكوژی دژی كورد ئهنجامبداتو ڕۆژئاوای كوردستان داگیر بكات.
ئاوێنه: لهنوێترین تویتیدا جەنەراڵ مەزڵوم كۆبانی، فەرماندەی گشتی هێزەكانی سوریای دیموكرات -هەسەدە- پێشوازی لهبڕیارهكهی ئەنجومەنی پیرانی ئەمریكا دهكات بۆ بەجینۆساید ناساندنی كۆمەڵكوژیی ئەرمەنەكانو نوسیویهتی، "بڕیارهكهی ئهنجومهنی پیران پهیامێكی ڕونو ڕاشكاوه كه ئهنجامدانی كۆمهڵكوژیی لهسهدهی 21دا ڕێگه پێنهدراوهو ههرگیز دوباره نابێتهوه".
جەنەراڵ كۆبانی جهختی لهوهش كردۆتهوه كه بڕیارهكهی ئەنجومەنی پیرانی ئەمریكا ڕێگه لهتوركیا دهگرێت كه كۆمهڵكوژیی دژی كورد ئهنجامبداتو ڕۆژئاوای كوردستان داگیر بكات.
دوێنێ پێنجشەممە، ئەنجومەنی پیرانی ئەمریكا بەكۆی دەنگ بڕیاری بەجیۆناساید ناساندنی كۆمەڵكوژیی ئەرمەنەكانی پەسەندكرد، ئەوەش دوای ئەوەی لەكۆتایی مانگی تشرینی یەكەمی ئەمساڵدا ئەنجومەنی نوێنەران بەڕەسمی دانی بەجینۆسایدی ئەرمەنەكاندا نابو.
بڕیارهكهی ئەنجومەنی پیران نیگهرانی ئهنقهرهی لێكهوتهوهو وهزارهتی دهرهوهی توركیا لهراگهیهندراوێكدا وێڕای ڕهتكردنهوهی بڕیارهكه ڕایگهیاند، "ئهم بڕیاره كارپێكراو نییه، پابهند نابین پێوهییو بریارێكی شهرمهزاریی بهسیاسیكردنی مێژوییه. بهڵام ئهوانهی مێژو بۆ مهرامی سیاسی بهكاردههێنن، ههرگیز ناتوانن بهنادیدهگرتنی راستییهكان بهئامانجهكانیان بگهن. ئهم بڕیاره هاوكات ههوڵێكی تێكدهرانهیه بۆ زیانگهیاندن بۆ ههوڵهكانی پێشخستنی پهیوهندییهكانی نێوان توركیاو ئهمریكا".