2020-01-19 858
نەخۆشخانەی فریاکەوتنی رۆژهەڵات لە ھەولێر، ھاووڵاتیان ئاگادار دەكاتەوە، كە بەھۆی نۆژەنكردنەوەی ھۆڵەكانی نەشتەرگەری نەخۆشخانەی فریاکەوتنی رۆژهەڵات، بۆ ماوەیەك نەشتەرگەری لەو نەخۆشخانەکە ناکرێت.
ئاوێنه: لە راگەیەندراوێكەدا ھاتووە: ''هاووڵاتیانی شاری هەولێرو دەوروبەری ئاگادار دەکەینەوە کەوا لە ئێستادا بەهۆی نۆژەنکردنەوەی هۆڵەکانی نەشتەرگەری نەخۆشخانەی فریاکەوتنی رۆژهەڵات تا ماوەیەک نەشتەرگەری لە نەخۆشخانەکەمان ناکرێت".
ئاماژە بەوەشكراوە: "ئەو نەخۆشانەی پێویستیان بە نەشتەرگەری ئێسک و شکان هەیە سەردانی نەخۆشخانەی فریاکەوتنی رۆژئاوا بکەن، و ئەو نەخۆشانەش كە پێویستیان بە هەر نەشتەرگەریەکی تر هەبێت لە نەخۆشخانەی رزگاری بۆیان ئەنجام دەدرێت، تا ئەوکاتەی هۆڵی نەشتەرگەری نەخۆشخانەکەمان دەکەوێتەوە کار".