فڕۆكه‌یه‌كی ئێرانی له‌ رێڕه‌وی خۆی ده‌رده‌چێت و ده‌که‌وێته‌ سه‌ر شه‌قامێكی گشتی
  2020-01-27       1142       


میدیاکانی ئێران گرته‌یه‌كی ڤیدیۆیی ساتی هاتنه‌خواره‌وه‌ی سه‌رنشینانی ئه‌و فڕۆكه‌یه‌ بڵاوده‌كاته‌وه‌، كه‌ له‌ رێڕه‌وی فڕگه‌ی خۆی ده‌رچووه‌ و له‌سه‌ر شه‌قامێكی سه‌ره‌كی راوه‌ستاوه‌.

ئاوێنه‌: ئاژانسی هەواڵی ئیسنا، لە زاری "رەزا جەعفەرزادە" وتەبێژی رێکخراوی فڕۆکەوانیی ئێران بڵاویکردەوە، فڕۆکەی گەشتیاریی تاران - ماهشەهر  لە جۆری بۆینگی MD  کاتژمێر 7:50ی ئه‌مڕۆ 27/1/2020، تووشی ئەم رووداوە هاتووە، فڕۆكه‌كه‌ تایبه‌ته‌ به‌ كۆمپانیای هێلی فڕۆكه‌وانی كاسپیان (قه‌زوین)ـه‌ و له‌ گه‌ڕانه‌وه‌ له‌ ماهشه‌هر له‌ رێڕه‌وی فڕگه‌ ده‌رچووه‌ و چووه‌ته‌ ناو شه‌قامێكی سه‌ره‌كی.

وه‌ك میدیاكانی ئێران بڵاویانكردووه‌ته‌وه‌، سه‌رنشینان هیچ زیانێكیان به‌رنه‌كه‌وتووه‌ و به‌ سه‌لامه‌تی له‌ فڕۆكه‌كه‌ دابه‌زیون.

زۆرترین بینراو
© 2018 Awene Online, Inc. All Rights Reserved.
×