له‌ نۆیەمین ساڵیادی خۆپیشاندانەکانی 17ی شوباتدا گردبونەوەیەکی ماتەمینی ئەنجام دەدرێت
  2020-02-16       703       
سبەینێ دوو شەممە چالاکییەکانی نۆیەمین ساڵیادی خۆپیشاندانەکانی (17)ی شوبات و رۆژانی دوایی دەستپێبکات.

ئاوێنه‌: رێکخراوی (17)ی شوبات و کەسوکاری شەهیدان بڵاویان کردەوە؛ کاتژمێر (10)ی سەر لەبەیانی رۆژی دوو شەممە (17/2/2019) لە گردی سەیوان لەسەر گڵکۆی شەھید رێژوان، یەکەم شەهیدی خۆپیشاندانەکان، گردبونەوەیەکی ماتەمینی ئەنجام دەدرێت.

لە کاتژمێر سێى دوانیوەڕۆى هەمان رۆژ، لە ھۆڵی رۆشنبیری شاری سلێمانی بەخوێندنەوەى وتارى کەسوکارى شەهیدانى خۆپیشاندانەکانى (17)ى شوبات و رۆژانى دوایى، بۆنەی یاد و وتار و خەڵاتی ساڵیادی حەڤدەی شوبات، ئەنجام دەدرێت، کە سێ خەڵاتى رێزلێنان لەلایەن رێکخراوى (17)ى شوباتەوە بەسەر سێ کەسایەتى و چالاکى خۆپیشاندانەکاندا دابەشدەکرێت.

(17)ی شوباتی ساڵی (2011) و رۆژانی دوایی، زنجیرەیەک خۆپیشاندانی ناڕەزایەتی لە شار و شارۆچکەکانی هەرێمی کوردستان دژی کەمی خزمەتگوزاریی و نادادپەروەریی و سەروەرنەبونی یاسا ئەنجامدرا، خۆپیشاندانەکان کە ماوەى دوو مانگ بەردەوامیان هەبوو؛ و چه‌ندین هاوڵاتی بونه‌ قوربانی.
زۆرترین بینراو
© 2018 Awene Online, Inc. All Rights Reserved.
×