2020-02-26   585     
ساخلەمیا زاخۆ هەوالی گومانا ڤایروسێ كۆرونا رەت دكەن
بەرپرسێ راگەهاندنا ساخلەمیا زاخۆ دیار كر پشتی هندەك كەنال و سایت و تورێن كومەلایەتی نوچەی گومان كەفتنا سێ كەسان لسەر زارێ ساخلەمیا زاخۆ بەلاڤ كری، ساخلەمیا زاخۆ ڤی نوچەی رەت دكەت.
ئاوێنە، وارهێل نێروەییی: ئەمیر عەلی، بەرپرسێ راگەهاندنا ساخلەمیا قەزا زاخۆ بۆ " ئاوێنە " راگەهاند: هەوالێ ب گومان كەفتنا 3 كەسان ل قەزا زاخۆ ب ڤایروسێ كۆرۆنا چ راستیەك بوو نینە، نە رێڤەبەرێ ساخلەمیا زاخۆ نە راگەهاندنا ساخلەمیێ ئەو لێدوان بۆ چ دەزگەهێن راگەهاندنێ نەدایە.
گوت ژی: پشتی د سوشیال میدیا و تورێن كومەلایەتی بەلاڤ بووی كو كچەك قوتابیا زانكویا زاخۆ ژ هوش خوە چوویە و گومان دكەن كو ئەو ڤایروسە لێ ساخلەمیا زاخۆ ڤی هەوالی رەت دكەین ئەوێ قوتابیێ چ ئاریشە نین و نوكە رەوشا ساخلەمیا وێ یا باشە.
ئاشكرا ژی كر: هەتا نوكە هیچ حالەتەكێ گومان لێكری ل زاخۆ نینە و هەر دەمێ خودێ نەكەت حالەتەك هەبیت دێ بشێوەیەكێ فەرمی ژلایێ وەزارەتێ ساخلەمیێ هێتە راگەهاندن و ئەم هاولاتیێن خوە پشت راست دكەین پێدڤی چ ترسێ ناكەت و تنێ پێگیریێ ب رێنمایێن ساخلەمیێ بكەن