یه‌كه‌م حاڵه‌تی تووشبوون به‌ كۆرۆنا له‌ به‌غدا تۆماركرا
  2020-02-27       480       
ئاژانسی هه‌واڵی عێراقی رایگه‌یاند، یه‌كه‌م حاڵه‌تی تووشبوون به‌ ڤایرۆسی كۆرۆنا له‌ به‌غدا تۆماركرا.

ئاوێنە: وه‌زاره‌تی ته‌ندروستی و ژینگه‌ی عێراق رایگه‌یاند، گه‌نجێك كه‌ له‌ ئێران گه‌ڕاوه‌ته‌وه‌، سه‌ردانی یه‌كێك له‌ نه‌خۆشخانه‌كانی كردووه‌، دوای پشكنین ده‌ركه‌وتووه‌ كه‌ هه‌ڵگری ڤایرۆسی كۆرۆنایه‌ و ئێستاش له‌ ژێر چاودێری دایه‌.

وه‌زاره‌ته‌كه‌ روونیشی ده‌كاته‌وه‌، كه‌ ئێستا گه‌نجه‌كه‌ له‌ ژووری تایبه‌ت چاودێری ده‌كرێت و باری ته‌ندروستیشی جێگیره‌.

دووپات له‌وه‌ش ده‌كاته‌وه‌، كه‌ ته‌واوی رێكاره‌ ته‌ندروستییه‌كان به‌ گوێره‌ی رێنماییه‌كانی رێكخراوی ته‌ندروستی جیهانی گیراونه‌ته‌به‌ر.

ئه‌وه‌ش روونكراوه‌ته‌وه‌، كه‌ گه‌نجه‌كه‌ سه‌ره‌تا له‌ ئێران بووه‌، دواتریش چووه‌ته‌ توركیا و له‌وێوه‌ گه‌ڕاوه‌ته‌وه‌ عێراق.
زۆرترین بینراو
© 2018 Awene Online, Inc. All Rights Reserved.
×