تەندروستی سلێمانی تەكنیکێکی نوێ بەكاردەهێنێت بۆ تووشبوانی ڤایرۆسی كۆرۆنا
  2020-03-25       559       

هاوشێوەی ئەمریكا، لەسلێمانیش تەكنیكی بەكارهێنانی پلازمای خوێنی چاكبوانی كۆرۆنا بۆ چارەسەری تووشبوانی ڤایرۆسەكە بەكاردەهێنرێت.

ئاوێنه‌: د.سەباح نەسرەدین، بەرێوەبەری گشتی تەندروستی سلێمانی رایگەیاندووە ، ماوەی چەند هەفتەیەكە بە گفتوگۆو راگۆرینەوەی زانستی لەگەڵ كۆمەڵێك پزیشكی پسپۆر دەربارەی بەكارهێنانی پلازمای خوێنی چاكبوانی ڤایرۆسی كۆرۆنا وەك چارەسەر بۆ تووشبوان، و پاش پەسەندكردنی لەلایەن دەزگای خواردن و دەرمانی ئەمریكی (FDA)، بریاردراوە لەمەودوا ئەم تەكنیكە بەكاربهێنرێت بۆ تووشبوانی ڤایرۆسی كۆرۆنا بەتایبەت بۆ ئەو نەخۆشانەی باری تەندروستیان ناجێگیر دەبێت، هیواشی خواستووە ئەو تەكنیكە كلاسیكییە سوودی هەبێت.

رونیشیكردۆتەوە، ئەو كەسانەی لە ڤایرۆسی كۆرۆنا چاكبوونەتەوە بەرگرییان بەرامبەر ڤایرۆسەكە پەیداكردووە، پلازمایان لێوەردەگێرێت و دەكرێتە جەستەی ئەو كەسانەی تووشی كۆرۆنا بوون و باری تەندروستییان ناجێگیرە، تا لەو رێیەوە ئەو تووشبوەش بەرگری بەرامبەر ڤایرۆسەكە پەیدا بكات.

 
زۆرترین بینراو
© 2018 Awene Online, Inc. All Rights Reserved.
×