لە ئیمارات ژمارەی توشبوانی کۆرۆنا گەیشتە ٤٠٥ کەس
  2020-03-28       212       
وەزارەتی تەندروستیی ئیمارات تۆمارکردنی ٧٢ حاڵەتی دیکەی تووشبوون بە ڤایرۆسی کۆرۆنای نوێ (COVID-19)ی راگەیاند، بەمەش ژمارەی تووشبووان بە ڤایرۆسەکە لەو وڵاتە گەیشتە ٤٠٥ کەس کە لەنێویاندا دوو حاڵه‌تی گیانلەدەستدان هەیە.

ئاوێنە: وەزارەتی تەندروستیی ئیمارات لە راگەیەنراوێکدا ئاماژەی بەوە کردووە ئەو ٧٢ حاڵەتەی كه‌ تازە دەستنیشانکراون، هاووڵاتیی ئیماراتی و هەڵگری رەگەزنامەی وڵاتانی دیکەن.

ئەوەش روونکراوەتەوە کە زۆرینەی تووشبووە نوێیەکان بەرکەوتنیان لەگەل تووشبووەکانی پێشوودا هەبووە و ژمارەیەکی دیکەیشیان لە دەرەوەی وڵاتەوە گەڕاونەتەوە.

ئەوەش راگەیەنراوە کە سێ نەخۆش دوای تووشبوونیان بە ڤایرۆسەکە چاکبوونەتەوە، بەمەش ژمارەی چاکبووەکان گەیشتە ٥٠ کەس کە زۆرینەیان هەڵگری رەگەزنامەی جیاجیان.
زۆرترین بینراو
© 2020 Awene Online, Inc. All Rights Reserved.
×