خوێنڕێژه‌ توركه‌كه‌ی عه‌فرین له‌ لیبیا كوژرا
  2020-03-30       3284       

ناوه‌ندی رۆژنامه‌وانیی ژووری ئۆراسیۆنه‌كانی سه‌ربه‌ سوپای لیبیا هه‌واڵی كوژرانی ئه‌فسه‌رێكی سه‌ربه‌ ده‌زگای هه‌واڵگریی توركیای بڵاوكرده‌وه‌ كه‌ به‌ "خوێنڕێژه‌كه‌ی عه‌فرین" ناسرابوو.

ماڵپه‌ڕی لیبیا24 بڵاویكرده‌وه‌، له‌ شه‌ڕ و بۆردومانه‌كانی ده‌وروبه‌ری شاری ته‌رابلوسی پایته‌ختی لیبیا، موراد پۆڵات، ئه‌فسه‌ری هه‌واڵگریی سوپای توركیا كوژراوه‌.

سلیمان شارف، وته‌بێژی سوپای لیبیا رایگه‌یاند، ''هێزه‌كانمان له‌ بۆردومانێكدا له‌ میحوه‌ری ساعدیه‌، ٧ چه‌كداری سوپای توركیایان كوشت كه‌ له‌ نێوانیاندا موراد پۆڵات هه‌یه‌''.

موردا پۆڵات ته‌مه‌نی 25 ساڵ بووه‌ و خه‌ڵكی شاری ئیزمیری توركیا بووه‌، پێشتر له‌ ریزی میلیشیاكانی سه‌ربه‌ توركیا له‌ ده‌وروبه‌ری شاری لازقیه‌ شه‌ڕی دژبه‌ كورد و حكومه‌تی سوریای كردووه‌ و به‌هۆی توندوتیژی و سته‌مكردن له‌ كوردانی عه‌فرین به‌ "خوێنڕێژه‌كه‌ی عه‌فرین" ناسرابوو.

زۆرترین بینراو
© 2020 Awene Online, Inc. All Rights Reserved.
×