سەرۆکی پەرلەمانی کوردستان رایدەگەیەنێت پێویستە حکومەتی هەرێم بژێوی خەڵکی بێ داهات دابین بکات و ئەم ٢ مانگە لە کرێ و باج خۆشببێت.
ئاوێنه: د. رێواس فایەق سەرۆکی پەرلەمانی کوردستان لە کۆنگرەیەکی رۆژنامەوانیدا لە گەرمیان وتی: لە پەرلەمان سەرقاڵی گەڵاڵەکردنی یاسایەکین بۆ دۆخی کۆرۆنا و بەدواداچونی جدی بۆچۆنێتی بەرەنگاربونەوەمان لەم ڤایرۆسی دەکەین.
وتیشی: پێویستە حکومەتی هەرێم بژێوی خەڵکی بێ داهات دابین بکات و ئەم ٢ مانگە لە کرێ و باج خۆشببێت.
ئاماژەی بەوەشکرد، ئەو پزیشک و کارمەندانەی تەندروستی و دەزگا ئەمنیەکان و سەرجەم ئەو لایەنانەی لەبەرەنگارنبونەوەی ڤایرۆسی کۆرۆنایان لەئێستادا وەک پێشمەرگەن لەبەرەنگاربونەوەی تیرۆردا.