بە گولەی هێزە ئەمنییەكانی كۆماری ئیسلامی ئێران كۆڵبەرێكی كورد بریندار دەبێت، روداوەكە لەنزیك گوندی "بێتوش" ی سەر بە شاری سەردەشتی رۆژهەڵاتی كوردستان رویداوە.
ئاوێنە: بەپێی هەواڵێكی ئاژانسی كوردپا لەئەنجامی تەقەی هێزە ئەمنییەكانی كۆماری ئیسلامی ئێران كۆڵبەرێكی كورد بەناوی "حامید بیران" خێزاندار‌و خەڵكی گوندی "بێوران" ی سەر بە شاری سەردەشت لەرۆژهەڵاتی كوردستان بریندار دەبێت.
بەهۆی سەختی برینەكەیەوە بۆ وەرگرتنی چارەسەر رەوانەی نەخۆشخانەی شاری سەردەشت كراوە، باس لەوەش دەكات رۆژی دوشەممەی هەفتەی رابردوش كۆڵبەرێكی كورد بەناوی "تاهیر درانگ" ی تەمەن 35 ساڵ بەگولەی هێزە ئەمنییەكان گیانی لەدەستداوە.